എന്റെ ദൈവത്തിനു ഒരു കത്ത്
എന്റെ ഏറ്റവും പ്രിയപ്പെട്ടവനെ,
നിനക്ക് അവിടെ സുഖമാണെന്ന് അറിയാം.എന്നാലും വെറുതെ ഒരു അന്വേഷണം മാത്രം. കരുണാമയനായ എന്റെ ദൈവമേ,നിന്നില് ഞാന് ഇപ്പോള് ഉറച്ചു വിശ്വസിക്കുന്നു.ഇപ്പോള് എന്ന് പറഞ്ഞാല്,അതെ, ഞാന് ഒരുപാടു വൈകിപോയിരുന്നു.അത് എന്ത് കാരണങ്ങള് കൊണ്ടാണെന്ന് എനിക്കു മനസ്സിലാവുന്നു.ഒന്നുമല്ലാതിരുന്ന എന്നെ നീ ഈ നിലയില് എത്തിച്ചു.അതിനു ഞാന് നിന്നോട് ഒത്തിരി നന്ദി ഉള്ളവള് ആകുന്നു.ചിലപ്പോള് നിന്നെ ഞാന് ഒത്തിരി മനസ്സിലാക്കുന്നതിനും,സ്നേഹിക്കുന്നതിനും വേണ്ടിയായിരിക്കും എന്നെ ഇവിടെ എത്തിച്ചത്.എന്റെ കഴിഞ്ഞ കാലങ്ങളില്
ഞാന് നിന്നോട് വിശ്വസ്തത ഇല്ലാതെ ഇരുന്നവളും,ആത്മാര്ത്ഥത ഇല്ലാതിരുന്നവളും,എന്തിനു ചിലപ്പോഴൊക്കെ നിന്നെ ദ്വെഷിചിരുന്നവളും ആയിരുന്നു.പക്ഷെ ഇപ്പോള് ആ ദുസ്വഭാവങ്ങളില്നിന്നും നീ എന്നെ ഒരുപാടു മാറ്റി.എനിക്കു പുതിയ ഒരു ജീവിതം തന്നു. അന്നൊക്കെ നിന്നെ മനസ്സിലാകാതെ,നിന്റെ സ്നേഹം അറിയാതെ പോയതിന്റെ ഫലം എനിക്കു കിട്ടി.എന്നിട്ടും ഒരുപാടു വൈകി നിന്റെ മഹത്വം മനസ്സിലാക്കാന്. പണം,സൌന്ദര്യം,സ്ഥാനമാനങ്ങള് ഇവയൊക്കെയാണ്
എല്ലാത്തിനും വലുത് എന്ന് ഞാന് വിശ്വസിച്ചിരുന്നു.പക്ഷെ ഇത്രയും കാലം വേണ്ടി വന്നു എനിക്കു മനസ്സിലാക്കാന്.
അതൊന്നും ഒന്നുമല്ല,അതിലുപരി എന്റെ സൃഷ്ടികര്ത്താവും,പരിപാലകനും ആയ നിന്റെ സ്നേഹവും,സംരക്ഷണവും,
കരുണയും,ഒക്കെയാണ് വലുത് എന്ന്.. ഇപ്പോള് ഓരോ നിമിഷവും എന്റെ വിശ്വാസം കൂടി വരികയാണ്.
ആ വിശ്വാസം ഉറപ്പിക്കാന് തക്കവണ്ണം നീ എന്നില് ഒരുപാടു മാറ്റങ്ങള് വരുത്തി.എപ്പോഴും നീ എന്റെ അരുകില്
ഉണ്ടാവണം എന്ന് മാത്രമാണ് ആഗ്രഹം.ഇപ്പോള് നീയില്ലാതെ എനിക്കു ഒരു നിമിഷം പോലും ഇരിക്കാന് വയ്യ.നിന്നോടുള്ള എന്റെ സ്നേഹം വര്ണ്ണിക്കാന് വയ്യ.എനിക്കറിയാം നീയും എന്നെ ഒരുപാടു സ്നേഹിക്കുന്നു എന്ന്. ആ ഒരു ചിന്ത മാത്രം മതി എനിക്കു മുന്പോട്ടു പോകാന്.ഇപ്പോള് എന്റെ ഏറ്റവും വലിയ കൂട്ടുകാരന് നീ മാത്രമാണ്.നീ എന്നില് നിന്നും ഒരിക്കലും അകന്നു പോകരുതേ എന്ന് മാത്രമാണ് അപേക്ഷ. അതുപോലെ നിന്നില് നിന്നും ഞാനും.ഇപ്പോഴും ഞാന് ചെറിയ തെറ്റുകള് ചെയ്തുകൊണ്ടിരിക്കുന്നു. അതിനു നീ ചെറുതായി എന്നെ ശിക്ഷിച്ചാല് മതിയാവും.ഇപ്പോള് ഞാന് എല്ലാം കൊണ്ടും സന്തോഷവതിയാണ്.എല്ലാവരെയും നീ എനിക്കു തന്നു. അതില് ഏറ്റവും വലിയ നിധി
എന്റെ കൂട്ടുകാര് ആണ്.ഞാന് എവിടെ ആയിരുന്നാലും എനിക്കു ഒരുപാടു നല്ല കൂട്ടുകാരെ നീ തന്നു.അവരില് ഒക്കെയും ഞാന് നിന്നെയാണ് കാണുന്നത്.എന്നെ സ്നേഹിക്കുവാനും,സന്തോഷിപ്പിക്കുവാനും മാത്രമായി ഒരുപാടു നല്ല കൂട്ടുകാര്.ഒരിക്കലും എനിക്കു ആരെയും മറക്കാന് കഴിയില്ല.അവര് ഒക്കെയും എന്റെ മനസ്സില് എപ്പോഴും ഉണ്ടാവും. നീ എന്നെ വിളിച്ചുകൊണ്ടു പോകുന്നത് വരെ.ഇനി എനിക്കു ഒരു ആഗ്രഹവും ബാക്കിയില്ല.എല്ലാം നീ എനിക്കു സാധിച്ചു തന്നു. നിന്നോട് ഒരുപാടു നന്ദിയും,സ്നേഹവും മാത്രം.ഇനിയും ഒത്തിരി എഴുതാന് ഉണ്ട്. ബാക്കി അടുത്ത കത്തില് കേട്ടോ.
. ഒരുപാടു സ്നേഹത്തോടെ നിന്റെ മാത്രം,നിന്നിലുള്ള ഞാന്
v
.
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ